سرکلر روڈ بھیرہ کی خستہ حالی کے خاتمہ کیلئے دو کروڑ روپیہ کے ٹینڈرز جاری ہوچکے ہیں۔میاں محمد نعیم الدین

وزیر مملکت پیر محمد امین الحسنات شاہ کے ترجمان میاں محمد نعیم الدین نے کہاہے کہ سرکلر روڈ بھیرہ کی خستہ حالی کے خاتمہ کیلئے پیر فاروق بہاوالحق شاہ کی کوششوں سے دو کروڑ روپیہ کے ٹینڈرز جاری ہوچکے ہیں اس رقم سے سرکلر رود بھیرہ کو کارپٹ کیا جائے گا انہوں نے بتایا کہ پھلروان روڈ جنرل بس سٹینڈ پر ٹف ٹائل لگانے کے کام کی تکمیل مزید پچاس لاکھ رپیہ جبکہ مہر کالونی عقب گورنمنٹ ہائی سکول بھیرہ کی سڑک کی تعمیر کیلئے پچیس لاکھ روپیہ کے فنڈز بھی جاری ہوچکے ہیں ان تعمیراتی منصوبوں پر جلد ہی کام شروع ہو جائے گا ۔

 

بھیرہ ۔پی پی پی سٹی بھیرہ کے صدر ڈاکٹر ملک افتخار احمد نسیم نے پیپلز پارٹی کو خیر آباد کہ کر انوار الحق پراچہ ا ور حسن انعام پراچہ پاکستان کے ہمراہ پراچہ ہاؤس پرتحریک انصاف میں شمولیت کا اعلان کر دیا ۔ عدم تعاون کی بنا پر پارٹی کی بنیادی رکنیت اور بھیرہ سٹی کی صدارت سے مستعفی ہو ا ہوں ، ڈاکٹر افتخار ۔

جما عتیں اور تنظیمیں اس وقت ناکامیوں کا شکار ہو تی ہیں جب وہ اپنے دیرنیہ ساتھیوں اور کارکنوں کی خدمات اور قربانیوں کو فراموش کر دیتی ہیں اور آج پیپلز پارٹی بھی ایسے ہی حالات سے دو چار ہے جس کی بنا پر پارٹی کے نظریاتی کارکن بد دلی اور مایوسیوں کا شکا ر ہو کر پارٹی سے الگ ہو رہے ہیں یہ بات پیپلز پارٹی کے ساتھ 47سالہ رفاقت کا سفر ختم کر کے پاکستان تحریک انصاف میں شمولیت کرنے والے پی پی پی بھیرہ سٹی کے صدر ڈاکٹر ملک افتخار احمد نسیم نے پراچہ ہاوس پر پریس کانفرنس سے خطاب کر تے ہوئے کہی اس موقع پر پی ٹی آئی کے رہنما بزرگ سیاست دان انوار الحق پراچہ ،امیدوار حلقہ پی پی 28حسن انعام پراچہ ،سابق سٹی ناظم عزیز الحق پراچہ ،پی ٹی آئی تحصیل بھیرہ کے صدر ڈاکٹر راؤ شفیق احمد ،سٹی صدر بھیرہ خالد محمود ارائیں اور پارٹی کے دیگر رہنما بھی موجود تھے ڈاکٹر افتخار احمد نسیم نے کہاکہ وہ پی پی پی کی مقامی قیادت کے غلط فیصلوں اور کارکنوں سے عدم تعاون کی بنا پر پارٹی کی بنیادی رکنیت اور بھیرہ سٹی کی صدارت سے مستعفی ہو ئے ہیں اور پراچہ گروپ کی حلقہ عوام کیلئے بے لوث خدمات کے پیش نظر پی ٹی آئی میں شمولیت اختیار کی ہے انوار الحق پراچہ نے خطاب کر تے ہوئے کہاکہ ان کا خاندان اور گروپ ایک صدی سے سیاست میں ہے ان کا ماضی اور حال شفاف اور کرپشن سے پاک ہے فضل الہیٰ پراچہ ،فضل حق پراچہ ،احسان الحق پراچہ اورانہوں نے عوام کی بے لوث خدمت کی ہم نے پلاٹ نہیں لےئے اور نہ ہی اپنے ڈیروں پر جنج گھر بنوائے ہیں حسن انعام پراچہ نے کہاکہ بلدیاتی انتخابات میں تحریک انصاف کے امیدوار بھر پور کامیابی حاصل کریں گے ہمارے مخالفین کو امیدوار ہی نہیں مل رہے انہوں نے پیپلز پارٹی سے تحریک انصاف میں شامل ہونے والے ملک افتخار احمدنسیم کاشکریہ ادا کر تے ہوئے کہاکہ پی ٹی آئی پنجاب کے صدر سابق گورنر چوہدری غلام سرور نے افتخار احمد نسیم کی پارٹی شمولیت کا خیر مقدم کر تے ہوئے انہیں پارٹی میں اہم عہدہ دینے کا فیصلہ کیا ہے ۔

بھیرہ ۔الیکشن ٹریبونل کے فیصلے کے بعد عمران خان کے موقف کی تائید ہو گئی ہے۔ سابق سٹی ناظم عزیز الحق پراچہ

حلقہ این اے 15 4میں الیکشن ٹریبونل کے فیصلہ جس میں پی ٹی آئی کے جہانگیر ترین ک عذر داری منظور کر تے ہوئے لگائے گئے الزام کو درست قرار دےئے جانے اور دوبارہ الیکشن کرانے کے فیصلہ آتے ہی تحصیل بھیرہ میں پی ٹی آئی کے کارکنوں کی ایک دوسرے کو مبارک باددی اور نعرہ بازی کرتے ہوئے دروازہ چک والا میں ڈھول کی تھاپ پر بھنگڑے ڈالے اورمٹھائی تقسیم کی سابق سٹی ناظم عزیز الحق پراچہ نے کہا کہ تحریک انصاف کے قائد عمران خان کے الزامات سچ ثابت ہوئے ہیں انہوں نے جو بھی کہا الیکشن ٹریبونل کے فیصلے کے بعد عمران خان کے موقف کی تائید ہو گئی ہے۔

 

قصبہ خیروکوٹ میں اشتہاری ملزم نے فائرنگ کر کے ایک شخص کوشدید زخمی کر دیا

گذشتہ روز نواحی قصبہ خیروکوٹ کے عدیل عباس گوندل کو اشتہاری ملزم الطاف گوندل نے فائرنگ کر کے شدید زخمی کر دیامضروب کو فوری طور پر طبی امداد کیلئے ٹی ایچ کیو ہسپتال بھیرہ داخل کر ایا گیا جہاں تشویش ناک حالت کے پیش نظر اسے ڈی ایچ کیو ہسپتال سر گودہا منتقل کر دیا گیا اشتہاری ملزم الطاف گوندل نے قبل ازیں مضروب عدیل عباس گوندل کے والد محمد امیر گوندل کو قتل کر دیا تھا فریقین میں یہی رنجش چلی آرہی تھی کہ موقع پاکر گذشتہ صبح اشتہاری الطاف گوندل نے مقتول محمد امیر گوندل کے بیٹے عدیل عباس گوندل جو مقدمہ قتل کی پیروی کر رہا تھا کو فائر کر کے شدید زخمی کردیا اور موقع سے فرار ہو گیابھیرہ پولیس نے مقدمہ درج کر لیا ہے ۔

 

بھیرہ سٹی کے صدر ڈاکٹر ملک افتخار احمد نسیم نے پی پی پی بھیرہ کی صدارت سے استعفیٰ دے دیا ۔

پاکستان پیپلز پارٹی کے بانی رکن اور بھیرہ سٹی کے صدر ڈاکٹر ملک افتخار احمد نسیم نے پارٹی قیادت سے اختلافات کے باعث پارٹی کی بنیادی رکنیت اور صدارت کے عہدہ سے استعفیٰ دے دیا ہے ۔انہو ں نے کہا ہے کہ 47سال سے پارٹی صدارت کے عہدہ پر رہنے کے باوجود پارٹی ان کی خدمات کو بھلا کر مقامی سطح پر ان افراد کا چناؤ کر رہی ہے جنکا پارٹی سے دور تک بھی تعلق واسطہ نہ ہے جس سے پارٹی کا گراف روز بروز گر رہا ہے ۔ڈاکٹر ملک افتخار احمد نسیم نے کہا کہ وہ شہیدذوالفقار علی بھٹو ،شہید محترمہ بینظیر بھٹو ،اور بلاول بھٹو زرداری کے وفادار ہیں اور رہیں گے ۔ مفاد پرستوں نے پارٹی کو اس سطح پر پہنچا دیا ہے جہاں سے اب اسکا دوبارہ اٹھنا مشکل ہے ۔آج بھی ملک بھر میں شہید ذوالفقار علی بھٹو اور شہید محترمہ بنیظیر بھٹو کے وفاداروں کی کمی نہیں مگر قربانیاں دینے والوں کو پس پشت ڈال کر مفاد پرست ٹولہ کو آگے لا کر پارٹی کی رہی سہی ساکھ کو مجروح کیا جا رہا ہے ۔ڈاکٹر ملک افتخار احمدنسیم نے کہا کہ وہ اپنے آئندہ لائحہ عمل کا اعلان چند روز تک کریں گے ۔