اشتہاری مجرم بھیرہ پولیس کے چھاپہ سے قبل ہی فرار ہونے میں کامیاب ہوگیامدد کرنے والے کیخلاف مقدمہ درج

بھیرہ پولیس کو اقدام قتل کے الزام میں ملوث اشتہاری مجرم مختاراحمد پنجوتھہ ساکن ڈھل پولیس چھاپہ سے قبل فرار ہونے میں کامیاب ہوگیا انچارج چوکی چک مبارک محمد اعظم ایس آئی نے مخبر کی اطلاع پر ڈھل میں اشتہاری مجرم کی موجودگی پر ریڈ کیا لیکن پولیس کو دیکھتے ہی اشتہاری مجرم عقبی دروازے سے فرار ہو گیا بھیرہ پولیس نے دوران چھاپہ مجرم اشتہاری کو فرار کرا نے میں مدددینے کے الزام میں گلزار احمد نامی شخص کو گرفتار کر کے اس کے خلاف مقدمہ درج کر لیا ہے دریں اثناء محمد سلیم اے ایس آئی نے دوران گشت و ناکہ بندی پل نہر چک مصراں کے قریب ایک مشکوک شخص نصراللہ گوندل ساکن چاہ پٹے والا کو حراست میں لیکر اس کے قبضہ سے اسلحہ ناجائز 12بور بندوق ڈبل بیرل و 12ضرب کارتوس برآمد کر کے مقدمہ درج کر لیا ہے ۔

 

رمضان بازار میں بھیرہ میں میونسپل کمیٹی بھیرہ کے سٹال ہر بکنے والے انتہائی ناقص آٹے کا نوٹس لیا جائے

انجمن تحفظ حقوق شہر یان بھیرہ کے صدر چوہدری محمد اقبال گادی نے ڈی سی او سرگودہا اور اے سی بھیرہ سے مطالبہ کیا ہے کہ وہ رمضان بازار بھیرہ میں میونسپل کمیٹی بھیرہ کے سٹال ہر بکنے والے انتہائی ناقص آٹے کا نوٹس لیں اور لوگوں کو حفظان صحت کے اصولوں کے مطابق تیار آٹا فراہم کر نے کیلئے فوری اقدامات اٹھائیں انہوں نے کہا ہے کہ خدا کا خوف نہ رکھنے والے ملز مالکان اورمڈل مین غیر معیاری آٹا سپلا ئی کر کے معصوم انسانی جانوں سے کھیل رہے ہیں جو قابل گرفت فعل ہے ۔

 

ڈاکٹر شاہد سیال کو فوڈ انسپکٹر کے اختیارات دینے کا نوٹیفیکیشن جاری

سیکرٹری ہیلتھ پنجا ب نے عوام کوملاوٹ سے پاک اشیاء خوردونوش وغیرہ کی فراہمی کی حکومتی پالیسی کے تحت سنےئر میڈیکل آفیسر تحصیل ہیڈ کواٹر ہسپتال بھیرہ ڈاکٹر شاہد سیال کو فوڈ انسپکٹر کے اختیارات دینے کا نوٹیفیکیشن جاری کردیا ہے ڈی سی اوسر گودہاوای ڈی او ہیلتھ سرگودہا نے اضافی ذمہ داریاں سنبھالنے والے فوڈ انسپکٹر ڈاکٹر شاہد سیال کو ہدایت کی ہے کہ و ہ حکومت پنجاب کی عوامی بھلائی بارے پالیسی کو کامیاب بنا نے اور قانون شکنوں کے خلاف سخت کاروائی کر نے کیلئے اپنے اختیارات کو بے لوث جذبوں سے ادا کریں ۔

 

بھیرہ ۔ وکیشنل ٹرینگ انسٹی ٹیوٹ بھیرہ زوال کی جانب، وزیر اعلیٰ پنجاب نوٹس لیں

انجمن تحفظ حقوق نوجوانان کے رہنماؤں محمد سفیر ،غلام مصطفی بخاری ،ضیاء الحق ،اختر رضااور ملک فرحان نے وزیر اعلیٰ پنجاب ،سیکرٹری ایجوکیشن پنجاب ،کمشنر سر گودہا اور ڈی سی اوسر گودہا سے مطالبہ کیا ہے کہ وہ وکیشنل ٹرینگ انسٹی ٹیوٹ بھیرہ جو کامیابیوں کے سفر کے بعد زوال کی جانب بڑھ رہا ہے کے معاملات کا فوری نوٹس لیں اور مستحق و غریب بچے ،بچیوں کے ہنر سیکھ کر بہتر مستقبل پانے کو لاحق خطرات کو دور کر نے کیلئے عملی اقدامات اٹھائیں انہوں نے کہاکہ اس ادارہ سے سینکڑوں بچے ،بچیوں نے مختلف ہنر سیکھے اور اب وہ معاشرہ میں باعزت مقام رکھتے ہیں جبکہ یہ ادارہ کچھ عرصہ سے انتظامیہ کی غلط پالیسیوں کی بنا پر تباہی سے دو چار ہے اور مستحق بچے و بچیاں یہاں پر سکون ماحول میں ہنر سیکھنے سے محروم ہو چکے ہیں یکم جولائی 2015کو تین سو طلبا ء وطالبات کی شروع ہونے والی کلاس کیلئے بھی ادارہ کا ماحول بہتر نہیں ایم ڈی ساجد نصیر کو ادارہ کے خلاف کی جانے والی سازشوں کو ناکام بناکر غریبوں کے حقوق اور نوجوانوں کے مستبقل کے تحفظ کی ذمہ داری پوری کرنی چاےئے ۔

 

بھیرہ اور علاقہ کے عوام کو زندگی کی جدید اور معیاری اشیاء کی ایک جگہ پر فراہمی کیلئے ماڈل بازار بھیرہ کے قیام کے منصوبہ پر جلد ہی کام شروع ہو جائے گا


  1. اسسٹنٹ کمشنر بھیرہ چوہدری نوید احمد دیرتھ نے کہا ہے کہ بھیرہ اور علاقہ کے عوام کو زندگی کی جدید اور معیاری اشیاء کی ایک جگہ پر فراہمی کیلئے ماڈل بازار بھیرہ کے قیام کے منصوبہ پر جلد ہی کام شروع ہو جائے گا انہوں نے کہا کہ ماڈل بازار بھیرہ سرکلرروڈ عقب ایم سی پرائمری سکول (چٹا سکول )بنا یا جارہا ہے اور اس کی جلد سے جلد تکمیل کیلئے ڈی سی او سرگودہا ثاقب منان ذاتی طور پر دلچسپی لے رہے ہیں اور انہوں نے سائٹ کے معائنہ کے موقع پر ماڈل بازار کی سطح کو سرکلر روڈ سے دو فٹ اونچا رکھنے کی ہدایت بھی کی ہے۔